?

Log in

Քիմ Քարդաշյանը Երևանում է: Վերջին օրերին հայաստանյան հասարակության և մեդիադաշտի գլխավոր թեման սա է: Ամենատարբեր կարծիքներ են հնչում՝ ոմանք Քիմին մահվան են դատապարտում, ոմանք էլ կուռքի են վերածում: Բոլոր այս հույզերը, սուբյեկտիվ և օբյեկտիվ գնահատականները, բարոյական դատավճիռները մի կողմ թողնելով՝ պետք է հասկանալ, թե Քիմն ինչ կարող է տալ Հայաստանին կամ համայն հայությանը:

Իսկ Քիմի կերպարը, անկասկած, կարելի է օգտագործել մի շարք օգտակար, արդյունավետ ճանապարհներով: Պետք է ռացիոնալ, պրակտիկ, պրագմատիկ մոտեցում՝ քաղել մաքսիմալն ընձեռված հնարավորությունից: Դեռ 2010 թվականին իմ անձնական բլոգում գրել էի, որ Քիմ Քարդաշյանը անհրաժեշտ է հայկական լոբբիին և նրան պետք է առավելագույն ձևով օգտագործել մի շարք հարցեր լուծելու համար:

շարունակությունCollapse )

Սկզբնաբառ:

Անմոռուկ ծաղիկը, որը Հայոց ցեղասպանության 100-րդ տարելիցի խորհրդանիշն է, քննարկման առարկա է դարձել և գնալով էլ ավելի շատ ուշադրություն է գրավում: Քիչ չեն անմոռուկների մեծ չափաբաժնից բողոքները, իսկ որոշ կազմակերպություններ ու անհատներ էլ այն կոմերցիայի զոհ են դարձրել: Արդեն անմոռուկի պատկերով անգամ տորթեր են պատրաստում…

Ինչևէ, կարծում եմ՝ կարիք կա առանձին անդրադառնալ անմոռուկների և ընդհանրապես Ցեղասպանության ուղերձներին, ինչպես նաև դրանց այլընտրանքին, որը կարող է ավելի կարևոր խնդիրներ լուծել:

շարունակությունCollapse )

Սկզբնաբառ:

Եվս 4 միավոր F-35 կործանիչ, հավելյալ CH-47F Chinook ուղղաթիռ, MPT-76 ինքնաձիգի սերիական արտադրություն, սեփական կործանիչի նախագծման աշխատանքների շարունակություն… 2015 թվականը Թուրքիան սկսում է նման ռազմական նորություններով:

Հունվարի 7-ին Թուրքիայի վարչապետ Ահմեթ Դավութօղլուի գլխավորությամբ Թուրքիայի պաշտպանական արդյունաբերության հանձնաժողովի հերթական նիստի արդյունքները ոչ միայն կարևոր են Թուրքիայի համար, այլ նաև տարածաշրջանային առումով մեծ հետաքրքրություն են ներկայացնում:շարունակությունCollapse )

Արդեն մի քանի տարի է` հետևում են թուրքական լրատվամիջոցներին, հոդվածագիրներին: Թուրքական իրականությունում հետաքրքիր մի նմանության կա հայերիս այն տեսակետներին, թե հայկական կողմը պատրաստ չի մոտենում Հայկական հարցի պայքարին: Թուրքերը ևս լրիվ նույնն են ասում, բայց... իրենց համար: Թուրք մտավորականների մի մասն իր հոդվածներում, իր խոսքերում շատ է ասում, թե հայերին զիջում են այս հարցում:

Ներառյալ Մեհմեթ Ալի Բիրանդը մի շարք վերլուծաբաններ, քաղաքագետներ Թուրքիային մեղադրում են Հայկական հարցում կարգավորված, համակարգված աշխատանք չտանելու, թույլ դիրքերից հանդես գալու, կազմակերպված պայքարի բացակայության համար:

Մեզ մոտ էլ է քննադատվում Ցեղասպանության հարցում պետական և հասարակական ոլորտում պատրաստվածությունն ու ընթացիկ աշխատանքը:

Նմանությունը ոչ թե այդ ամենի` իրականության համապատախանել-չհամապատասխանելն է, այլ լրագրողական-վերլուծական շրջանակներում այդ աշխատանքի գնահատականը, որը երկու երկրներում էլ համարում են ոչ լիարժեք, անկազմակերպ:

Ու հետաքրքիր է, որ թուրքական մեդիադաշտում բավական կարծրատիպային պատկերացում ունեն հայկական լոբբիի մասին, որին թուրքականից անհամեմատ ուժեղ են համարում: Այս գիծը տարբեր քաղաքական հայացքներ դավանող թուրք հոդվածագիրների գրածներում եմ արձանագրել ու մի քանի տարվա կտրվածքով: 2015-ին ընդառաջ այս միտումը զարմանալիորեն պահպանվում է:

Մեկ տարի առաջ գյուլենականները Թուրքիայի կառավարության դեմ լայնածավալ գրոհ նախաձեռնեցին, սակայն Էրդողանն ու համախոհները ոչ միայն կարողացան հաջողությամբ դիմակայել ճնշմանը, այլև անցան հակագրոհի, որը շարունակվում է մինչ օրս և սպառնում է երկար տևել:

Իսլամական քարոզիչ Ֆեթհուլլահ Գյուլենի դերն ու նշանակությունը Թուրքիայի քաղաքականության և հասարակության մեջ բավականին մեծ է: 1999 թվականից ԱՄՆ-ում բնակվող թուրք իմամն իր անունը կրող հասարակական/կրոնական շարժման ղեկավարն է: Տասնամյակներ շարունակ Գյուլենի շարժումը հավաքում էր նորանոր անդամներ, մեծացնում իր ազդեցությունը (հատկապես ներքին անվտանգության համակարգում), հսկայական գումարներ աշխատում, ինչպես նաև քաղաքական դաշտում որոշակի դերակատարում ունենում` սատարելով 2002-ին իշխանության եկած չափավոր իսլամամետ «Արդարության և զարգացում» կուսակցությանը: Սակայն վերջին տարիներին նախկինում դաշնակից ԱԶԿ-ի և գյուլենականների ջրերը մեկ առվով չեն հոսում:

շարունակությունCollapse )



petrosyan-300x200

«Անալիտիկ» կենտրոնի կազմակերպած ԱՍ մրցանակաբաշխության շրջանակներում հատուկ մրցանակ եմ ստացել որպես տարածաշրջանային քաղաքականության տարվա լավագույն վերլուծաբան: Առաջին մասնագիտական մրցանակն է :ճ

Սկզբնաբառ:

Գևորգ Պետրոսյան, թուրքագետ

Թուրքիայի խորհրդարանի քուրդ պատգամավոր Սեբահաթ Թունջելը Թուրքիայի ազգային մեծ ժողովին է ներկայացրել մի առաջարկ, որով նախատեսվում է, որ թուրքական մեջլիսը Թուրքիայի նախագահին պիտի պարտավորեցնի հրապարակայնորեն ներողություն խնդրել քրդերի, ալևիների կոտորածների, ինչպես նաև Հայոց ցեղասպանության համար: Այս տեղեկությունն արագորեն տարածվեց թուրքական լրատվամիջոցներում՝ մեծ աղմուկ առաջացնելով հարևան երկրում և տեղափոխվելով հայկական մեդիադաշտ:

շարունակությունCollapse )

Սկզբնաբառ:

Շառլ Ազնավուրի (պայմանական) «հարցազրույցը» մեծ արձագանք ստացավ մեր հասարակության շրջանում: Սպասելի էր: «Հարցազրույցը» ներկայացրած թուրքական թերթը չէր խուսափել վառ գույներից ու սենսացիոն գլխագրերից, բնականաբար, նաև մեծ չափաբաժնով ապատեղեկատվությունից: Մինչ հիմնական շեշտը դրվում է, թե հոդվածում տեղ գտածը որքանով է արտացոլում Շվեյցարիայում ՀՀ դեսպան Ազնավուրի իրականում ասածը կամ էլ ընդհանրապես նման մի հանդիպում կամ զրույց եղել է, թե ոչ, կարևոր է ուշադրությունը սևեռել 2015 թվականին ընդառաջ այս քայլի դերի ու նշանակության վրա:

Փորձենք վերհանել այս պատմության ստվերային, բայց ոչ պակաս նշանակալի կողմերը:

շարունակությունCollapse )
etyen-mahcupyan-300x166

Պոլսահայ հայտնի գրող, քաղաքական մեկնաբան, «Ակօսի» նախկին խմբագրապետ Էթյեն Մահչուպյանն այսուհետ կլինի Թուրքիայի վարչապետ Ահմեթ Դավութօղլուի խորհրդականներից մեկը, իսկ սա ժամանակակից Թուրքիայում բավական լուրջ նշանակում է: Եվ երբ Թուրքիայում նման մակարդակի նշանակում է լինում, այն էլ` այդ պաշտոնը վստահում են ազգությամբ հայ գործչի, արձագանքն անհամեմատ ավելի մեծ է լինում:

շարունակությունCollapse )

Սկզբնաբառ:

Թուրքագետ Գևորգ Պետրոսյանը ԵՓՐԱՏ կենտրոնի և Թուրքագիտական պորտալի (allTurkey.am) հետ համատեղ ներկայացնում է իր վիդեոբլոգը, որը նվիրված է Թուրքիայում ընթացիկ զարգացումներին ու դրանց վերլուծությանը: Սա փորձնական շրջանի հինգերորդ թողարկումն է, որտեղ խոսվում է հայ որբերի գորգի մասին:



Սկզբնաբառ:

Թուրքագետ Գևորգ Պետրոսյանը ԵՓՐԱՏ կենտրոնի և Թուրքագիտական պորտալի (allTurkey.am) հետ համատեղ ներկայացնում է իր վիդեոբլոգը, որը նվիրված է Թուրքիայում ընթացիկ զարգացումներին ու դրանց վերլուծությանը: Սա փորձնական շրջանի չորրորդ թողարկումն է, որտեղ խոսվում է Մահչուպյանի` Թուրքիայի վարչապետի խորհրդական նշանակվելու, «Թուրքիայի Հանրապետության պատմություն» դասագրքի մասին:

1414648017-5544Թուրքիան փոխում է իր քաղաքականությունը ու թույլ տալիս իրաքյան քրդերի զինված ուժերին իր տարածքով անցնել ու միանալ Սիրիայի Քոբանի քաղաքում «Իսլամական պետության» դեմ մարտնչող նրանց սիրիաբնակ հայրենակիցներին: Փեշմերգայի` Թուրքիայի տարածքով Սիրիա մուտք գործելն էլ համընկնում է Թուրքիայի Հանրապետության անկախության տոնին` հոկտեմբերի 29-ին: Արդյունքում` խիստ յուրահատուկ խճանկար է ստացվում` մի կողմից Թուրքիան, որն ի վերջո ԻՊ-ի դեմ ուղղված շոշափելի քայլ է կատարում, մյուս կողմից էլ քրդերը, որոնց շարասյուններն անցնում են թուրքական քաղաքներով Թուրքիայի անկախության տոնին` ռազմական հանդիսավոր երթի տպավորություն թողնելով: Փորձենք ավելի դետալային դիտել այս խճանկարը:

շարունակությունCollapse )

Լուսանկարում` Փեշմերգայի շարասյունը հոկտեմբերի 29-ին անցնում է ներկայիս Թուրքիայի Մարդին քաղաքով

Գևորգ Պետրոսյան, թուրքագետ
rug-armenian
Հայոց ցեղասպանությունը վերապրած հարյուրավոր որբ աղջիկներ 1920 թվականին 10 ամիս շարունակ գործում էին մի գորգ, որը որպես երախտիքի նշան փոխանցվելու էր Միացյալ Նահանգների նախագահին: 9 տասնամյակ անց հայ որբերի գորգը հայկական, թուրքական ու ամերիկյան կողմերի միջև վերածվել է դիվանագիտական, քարոզչական և քաղաքական պայքարի խորհրդանիշի:

Հայ որբերի գորգի ցուցադրման թեման վերջին տարիներին հաճախ է հայտնվում միջազգային ու տեղական լրատվամիջոցների, քաղաքական գործիչների օրակարգում: Պատճառը նրա կապն է Հայոց ցեղասպանության հետ, գորգի խիստ խորհրդանշական բնույթը: Այն ընկալվում է որպես հայերի հայրենազրկման ու կոտորածների, որբ մնացած երեխաների ճակատագրի արտացոլում, ինչը ցավագին է ընկալվում ինչպես հայ հասարակության, այնպես էլ Թուրքիայի կողմից: Այս հարցում յուրաքանչյուր կողմ իր պատկերացումներն ունի այս հարցի շուրջ, յուրաքանչյուրն ունի իր մոտեցումներն ու խնդիրները:

շարունակությունCollapse )

Թուրքիան առաջիկա տարիներին չի լինի ՄԱԿ-ի Անվտանգության խորհրդի ժամանակավոր անդամ, ինչին ձգտում էր վերջին ամիսներին: Սա Թուրքիայի արտաքին գործերի նախարար Մևլութ Չավուշօղլուի համար առաջին լուրջ հարվածն է միջազգային ճակատում, եթե Սիրիայում և Իրաքում «Իսլամական պետության» (ԻՊ) քաղաքականությունը վերագրենք նախկին արտգործնախարար Ահմեթ Դավութօղլուի գործերի շարունակությանը և դրա հետևանքներին:

Չավուշօղլուն, ով Թուրքիայի արտգործնախարարի պաշտոնին նշանակվեց 2014-ի օգոստոսին, կարևոր այդ աթոռի հետ մեկտեղ ժառանգեց կարևոր անելիքների ու խնդիրների հսկա մի փաթեթ: Խնդիրների երկար ցուցակում ամենաեռացողը «Իսլամական պետության»` թուրք-սիրիական սահմանից ոչ հեռու Սիրիայի քրդաբնակ Քոբանի (Արաբունար, Այն ալ-Արաբ) շրջանի ու համանուն քաղաքի վրա գրոհն է, որն ազդեց Թուրքիայի ներքին իրավիճակի վրա` ոտքի հանելով տեղի քրդերին ու հարցականի տակ դնելով թուրքական իշխանությունների «քրդական նախաձեռնության» ապագան:

շարունակությունCollapse )

Իսլամական պետություն խմբավորման՝ Սիրիայի քրդաբնակ Քոբանի շրջանի վրա գրոհի դեմ Թուրքիայում քրդերի ցույցերի ժամանակ թուրքական ուժայիններին կողմից 21-րդ ցուցարարն է սպանվել: Աշխարհագրական տեսանկյունից բողոքի ակցիաները բավական լայն են, և զոհերի թիվն էլ արդեն զգալի է:

Օրինակ, լայն արձագանք ստացած Գեզիի ցույցերի ժամանակ, եթե հիշողությունս չի դավաճանում, 5-6 մարդ է մահացել: Իսկ ահա քրդերի հուզումներն արդեն 20-ից ավել զոհի պատճառ են դարձել և նոր զոհեր կարող են լինել արդեն այս գիշեր: Վիճակն իրոք ճգնաժամային է, թուրքական պետության և քրդերի միջև ամենաարյունալի դիմակայությունը վերջին տարիների:

Չի բացառվում, որ սա բերի Քրդստանի աշխատավորական կուսակցության՝ PKK-ի ակտիվացմանը, ապա և հրադադարի ռեժիմի չեղարկմանը: Թեև ՊԿԿ-ի առաջնորդ Օջալանն ավելի վաղ նշել էր, որ Քոբանիի հարցում թուրքական իշխանության դիրքորոշումը կարող է բերել 2013-ի գարնանից PKK-ի ու Թուրքիայի հրադադարի կասեցմանը, բայց և դրան ավելանում է հենց արդեն Թուրքիայի ներսում զարգացումները, ինչի ժամանակ մեծաթիվ քրդերի արյուն է թափվում: Քոբանիի էֆեկտն իմ նախատեսածից ավելի է, և դեռ միայն ընթացքն է:

2015 թվականը կարևորագույն տարեթիվ է ինչպես Հայաստանի, այնպես էլ Թուրքիայի համար։ Այս ֆոնին հետաքրքրական է ցանկացած զարգացում Հայաստանի և Թուրքիայի միջև, իսկ առավել ուշագրավ է Հայաստանի նախագահ Սերժ Սարգսյանի հրավերը Թուրքիայի նախագահ Ռեջեփ Թայիփ Էրդողանին՝ 2015-ի ապրիլի 24-ին այցելել Երևան ու հարգանքի տուրք մատուցել Հայոց ցեղասպանության զոհերի հիշատակին։ Ամենատարբեր օղակներում՝ հասարակ քաղաքացիներից մինչ պետական այրերը, տրամաբանական հարց է ծնվում՝ արդյո՞ք կայցելի Էրդողանը Հայաստան, թե ոչ:

շարունակությունCollapse )

Թուրքագետ Գևորգ Պետրոսյանը «Եփրատ» կենտրոնի և «Թուրքագիտական պորտալի» հետ համատեղ ներկայացնում է իր վիդեոբլոգը, որը նվիրված է Թուրքիայում ընթացիկ զարգացումներին ու դրանց վերլուծությանը:

Սա փորձնական շրջանի երկրորդ թողարկումն է, որտեղ խոսվում է ՀՀ նախագահի՝ արձանագրությունները հետ կանչելու, Էրդողանի՝ Ծիծեռնակաբերդ այցելության հրավերի ու Թուրքիա-«Իսլամական պետություն» հարաբերությունների մասին:



«Յա Հոջա Ալի, յա Ալի Հոջա». այս արտահայտությունը թուրքերենից թարգմանվում է այսպես՝ «Կամ Հոջա Ալի, կամ Ալի Հոջա»։ Հայերենում կիրառում ենք «Գումարելիների տեղերը փոխելիս գումարը չի փոխվում» խոսքը։ Այս թևավոր խոսքերը լավագույնն են բնորոշում տասնամյակներ շարունակ թուրքական կառավարությունների փոփոխություններն ու Հայոց ցեղասպանության հարցում նրանց ունեցած դիրքորոշման անփոփոխ լինելը՝ ժխտել հնարավոր և արդի միջոցներով։

շարունակությունCollapse )

Որքանո՞վ է ճիշտ հայկական լրատվադաշտում/վերլուծական հատվածում ու ընդհանրապես խոսքում այժմ օգտագործել ISIS (բանավոր խոսքում հնչում է «այսիս») անվանումը։ Սա «Իսլամական պետություն/խալիֆայություն» (նախկին անվանումը՝ «Իրաքի և Ասորիքի/Շամի/Լևանտի իսլամական պետություն») իսլամիստական կազմակերպության անգլերեն անվան հապավումն է, որն այնքան էլ չի համապատասխանում արդի անվանը, քանի որ այն արդեն վերածվել է ուղղակի IS-ի (Islamic State):

Եվ բացի այդ, չեմ կարծում, թե արաբական բառի անգլերեն թարգմանությունն է ճիշտ օգտագործել, երբ կարելի է գրել «Իսլամական պետություն» կամ ուղղակի ԻՊ ու փորձել այս հապավումն առավել կիրառելի դարձնել՝ խույս տալով «այսիսից» բանավոր խոսքում ու ISIS-ից գրավոր խոսքում։

Մեկ այլ հարց է նաև նախկին անվանումը՝ Իրաքի և Ասորիքի իսլամական պետությունը։ Այստեղ հակված եմ կիրառել հայերեն Ասորիք անվանումը և ոչ արաբերեն Շամը կամ եվրոպական Լևանտը, քանի որ այդ տարածքը հայերենում կոչվում է Ասորիք։ Իսկ Լևանտը նույն Շամի թարգմանությունն է, իսկ հայերենում էլ այն Ասորիքն է։

2014 թվականի օգոստոսի 10-ին Թուրքիայի Հանրապետության պատմության մեջ առաջին անգամ նախագահին ընտրեց ժողովուրդը և ոչ խորհրդարանը, ինչպես նախորդ տասնամյակներում էր։ Նախագահական ընտրություններում վստահ հաղթանակ տոնեց այդ ժամանակ վարչապետի աթոռը զբաղեցնող Ռեջեփ Թայիփ Էրդողանը։ Իսկ Էրդողանի՝ նախագահ դառնալով թափուր մնացած կառավարության ղեկավարի աթոռը բաժին հասավ Ահմեթ Դավութօղլուին, ով մինչ այդ Թուրքիայի արտաքին քաղաքական գերատեսչության ղեկավարն էր։ Եվ քանի որ թուրքական օրենքներն արգելում են, որպեսզի երկրի նախագահը լինի կուսակցական, ապա Էրդողանն ազատեց «Արդարություն և զարգացում» կուսակցության նախագահի աթոռը, որը նույնպես անցավ Դավութօղլուին։

շարունակությունCollapse )

YEPRAT_TURKLRAT1

Վերջերս հիմնադրված «Եփրատ» մերձավորարևելյան ուսումնասիրությունների կենտրոնը սեպտեմբերի 17-ին կազմակերպել էր «Թուրքիայի առցանց լրատվամիջոցների առանձնահատկությունները» դասընթացը, որն անցկացրել է թուրքագետ Գևորգ Պետրոսյանը։
«Զորակն» հիմնադրամում կայացած սեմինարի ընթացքում բանախոսը ներկայացրել է Թուրքիայի ժամանակակից մեդիա խմբերը, լրատվական գործակալությունները,  առցանց լրատվակայքերը՝ կանգ առնելով դրանց առանձնահատկությունների և Հայաստանի տեսանկյունից հետաքրքիր կետերի վրա։
Սեմինարին մասնակցողները հնարավորություն են ունեցել նաև իրենց հարցերն ուղղել բանախոսին և ստանալ պատասխաններ, ինչպես նաև քննարկումներ ծավալել։ Դասընթացին մասնակցել են թեմայով հետաքրքրված մեծ թվով երիտասարդներ ու մասնագետներ։
Առաջիկայում ևս «Եփրատ» ուսումնասիրությունների կենտրոնը շարունակելու է նման դասընթացների անցկացումը։

ԵՓՐԱՏ-մերձավորարևելյան ուսումնասիրությունների կենտրոնը հրավիրում է «Թուրքիայի առցանց լրատվամիջոցների առանձնահատկությունները» դասընթացին, որն անց է կացնելու թուրքագետ Գևորգ Պետրոսյանը։ Դասընթացը կարող է հետաքրքրել ինչպես ուսանողներին, այնպես էլ լրագրողներին։
«Թուրքիայի առցանց լրատվամիջոցների առանձնահատկությունները» թեմայով մեկօրյա խտացված դասընթացը կանցկացվի 2014 թվականի սեպտեմբերի 16-ին, ժամը՝ 19։00-ին «Զորակն» հիմնադրամում (հասցեն՝ ք. Երևան, Կիևյան 24, #65)։
Դասընթացի տևողությունը՝ 80-100 րոպե, դասընթացի լեզուն՝ հայերեն։ Խնդրում ենք Ձեր մասնակցությունը հաստատել՝ EuphratesCenter@gmail.com էլ. փոստին նամակ ուղարկելով՝ նշելով Ձեր անուն/ազգանունը, հեռախոսահամարը (լրատվամիջոցների ներկայացուցիչները՝ իրենց լրատվամիջոցը, ուսանողները՝ բուհերը)։
Հարցերի համար կարող եք զանգահարել 055 15 65 95։

ԵՓՐԱՏ-մերձավորարևելյան ուսումնասիրությունների կենտրոն

Թուրքագետ Գևորգ Պետրոսյանը Ա1+ հեռուստաընկերության համար մեկնաբանում է ՀՀ ԱԳՆ հնարավոր մասնակցությունը Թուրքիայի նախագահի երդման արարողությանը։



10421604_10204154095320093_3606936967551829865_n

Հերթական վառ ու հիանալի տպավորությունը Համշենից:շարունակությունCollapse )

Սկզբնաբառ:

Վերջերս Համշենում էի: Անկրկնելի, հիանալի վայր էր: Ինչպես ասում են, դրախտային: Տպավորությունների հսկա պաշար ունեմ: Կկիսվեմ նաև այստեղ: Սկսենք:
շարունակությունCollapse )

Թուրքագետ Գևորգ Պետրոսյանն «Արմենիա» հեռուստաընկերության «Ժամ» լրատվականի հետ զրույցում մեկնաբանում է Քեսաբում ներկա իրավիճակն ու հնարավոր զարգացումները, ինչպես նաև Թուրքիայի՝ Սիրիայի նկատմամբ քաղաքականությունը։



Թուրքագետ Գևորգ Պետրոսյանը Թուրքիայում հայ համայնքի համար նախագահի նախընտրելի թեկնածու է անվանում ազգությամբ քուրդ Սելահեթին Դեմիրթաշին` միաժամանակ նշելով, որ գործող վարչապետ Ռեջեփ Թայիփ էրդողանը ևս ձայներ է ակնկալում հայ համայնքից: «77 միլիոն բնակչություն ունեցող Թուրքիայում 50-60 հազարանոց հայկական համայնքը այս կամ այն թեկնածուի համար չի կարող լուրջ գործոն հադիսանալ ընտրություններում հաղթելու տեսանկյունից:

Այնուամենայնիվ, հայ համայնքում տրամադրություններն այսպիսին են, որ նրանք սատարում են Դեմիրթաշին, այսինքն` քուրդ թեկնածուին: Նա հայ համայնքի ֆավորիտն է, բայց Դեմիրթաշի հետ հայ համայնքում մրցակցում է նաև Էրդողանը»,-«Արմենպրեսի» փոխանցմամբ, լրագրողների հետ հանդիպման ժամանակ ասաց թուրքագետը:

շարունակությունCollapse )

Թուրքիան պաշտոնապես երկարաձգել է միջին և մեծ հեռահարության հակաօդային և հակահրթիռային պաշտպանության համակարգի մրցույթի ժամկետները։ Թուրքիայի ռազմարդյունաբերական քարտուղարությունը պաշտոնապես տեղեկացրել է, որ շարունակելու է մրցույթի 3 մասնակիցներից նոր առաջարկների սպասել մինչ այս տարվա օգոստոս ամսվա վերջը։

Նշվում է, որ մրցույթի արդյունքներով ներկայում առաջին հորիզոնականում է Չինաստանը ներկայացնող CPMIEC ընկերության առաջարկը (HQ-9), որին հետևում է Eurosam ընկերությունը (Samp/T)։ Եռյակը եզրափակում է Միացյալ Նահանգների առաջարկած Patriot ՀՕՊ համակարգը։

շարունակությունCollapse )

Օրերս հերթական անգամ թուրքական լրատվամիջոցների կողմից լուրեր շրջանառվեցին հայ-թուրքական սահմանի հնարավոր բացման մասին՝ Ալիջանի սահմանային անցակետում: Թուրքական ընդդիմադիր «Թարաֆ» թերթը նշում էր, թե իբր Թուրքիայի վարչապետը պատրաստվում է բացել 1993-ից փակված հայ-թուրքական սահմանը: Թերթի տեղեկության համաձայն՝ իբր դեռ հստակ չէ սահմանի բացման օրը, բայց մատնանշվում էր սեպտեմբեր ամիսը:

Նույն օրը ադրբեջանական «ԱՊԱ» գործակալությունը, իսկ մեկ օր անց՝ Թուրքիայի ԱԳՆ-ն հերթական անգամ հերքեց սահմանը բացելու լուրը: ԱԳՆ խոսնակ Թանժու Բիլգիչը, խոսելով այն մասին, որ տարածվածն ապատեղեկատվություն է, նաև շեշտել էր, թե Հայաստանի հետ սահմանը փակվել է «Ադրբեջանի հողերի գրավման պատճառով»:

Թեմայի շուրջ ASEKOSE.am-ի թղթակիցը զրուցել է թուրքագետ Գևորգ Պետրոսյանի հետ.

շարունակությունCollapse )

Latest Month

April 2015
S M T W T F S
   1234
567891011
12131415161718
19202122232425
2627282930  

Սկզբնաբառ

Page Summary

Syndicate

RSS Atom
Powered by LiveJournal.com
Designed by Tiffany Chow