«Աշխարհին դաս տվեց», «Հայկական մամուլի շապիկների Կլարան խոսեց» և նմանատիպ այլ վերնագրեր են տվել թուրքական լրատվամիջոցները կիսով չափ հայ, կիսով չափ թուրք Կլարա Եթերօղլուի վերաբերյալ հոդվածներին:
Կլարա Եթերօղլուի մայրը թուրք է, հայրը` հայ: Նա սովորում է Ստամբուլի միջնակարգ դպրոցներից մեկում:
Կլարան հաղթող էր ճանաչվել «լինել հայ Թուրքիայում» խորագրով շարադրության մրցույթում:


( շարունակություն )

Միացյալ Նահանգներում բնակվող թուրք երիտասարդները, հոգնելով, որ իրենց երկրի անունը մշտապես շփոթում են հնդկահավի հետ, որոշել են հատուկ կայք պատրաստել և դրա միջոցով փոխել Թուրքիայի անգլերեն անունը:
«Turkey» բառն անգլերենում նշանակում է և Թուրքիա, և հնդկահավ: Անգամ Google Translate ծրագիրը «Turkey»-ն հայերենով հաճախ թարգմանում է որպես հնդկահավ, ինչը անհարմար վիճակի մեջ էր դրել մի թուրք երիտասարդի, ով հայերեն էր թարգմանել «կեցցե Թուրքիա» արտահայտությունը` ստանալով «կեցցե հնդկահավ» բառակապակցությունը:

Նման միջադեպերից խույս տալու համար երեք թուրք երիտասարդներն ԱՄՆ-ում արշավ են սկսել` պահանջելով իրենց երկրի անգլերեն անունը` Turkey-ն, փոխարինել Turkiye տարբերակով, որն ավելի մոտ է թուրքերենին:

«Ոչ թե հնդկահավ, այլ Թուրքիա». այսպես է կոչվում թուրք երիտասարդների ակցիան` ուղղված հնդկահավ-Թուրքիան տարանջատելուն:

«Դերսիմի կոտորածի ականատեսներից 80-ամյա հայուհի Ասլըհանը 5-6 տարեկանում հանձնվել էր մի ընտանիքի` ստանալով Ֆաթմա անունը և շրջապատի կողմից որպես քուրդ ճանաչվելով:
Նա տարիներ անց ի հայտ եկած դերսիմցի կորուսյալ մի հայուհի էր»:
Նման տողերով է սկսում թուրքական ձախաթևյան «Ռադիքալ» պարբերականը Ասլըհան-Ֆաթմայի պատմությունը, ով վերջերս դիմել էր Թուրքիայի Ազգային մեծ ժողով` պաշտոնական ներողություն պահանջելով իր տեսած տանջանքների և ցավերի համար:


( շարունակություն )

Թուրքիայի Դերսիմ նահանգում 1937-38 թվականներին տեղի ունեցած արյունալի կոտորածների վերաբերյալ հերթական պատմությունն է ի հայտ եկել:
80-ամյա հայուհի Ֆաթմա Յավուզը նամակ է ուղարկել Թուրքիայի Ազգային մեծ ժողովին, որում պատմել է իր կրած տառապանքների ու տանջանքների մասին` պաշտոնական ներողություն պահանջելով թուրքական խորհրդարանից:

( շարունակություն )

Բելգիայի Նամուր քաղաքի իշխանությունները թուրքական ազգայնամոլական «Գորշ գայլեր» կազմակերպությանը թույլ չեն տվել նիստ անցկացնել իրենց քաղաքի տարածքում, տեղեկացնում է «ՀայԹերթը»:
Թուրքիայի խորհրդարանի «Ազգայնական շարժում» կուսակցության նախագահ Դևլեթ Բահչելին նախատեսել էր հանդիպում անցկացնել բելգիական Նամուր քաղաքում մայիսի 20-ին:

Բելգիայի հայ համայնքի ջանքերով հաջողվել է կանխել «Գորշ գայլերի» ժողովը Նամուրում:

Հայերը զգուշացրել են Նամուրի քաղաքապետ Մաքսիմ Պրևոտին: Վերջինս դիմել է Center exhibition-ին, որտեղ էլ պետք է կայանար ժողովը: Կառույցի ղեկավարները որոշել են հրաժարվել ընդունել թուրք ազգայնամոլներին:

Ժողովի կազմակերպիչ «Բելգիայի թուրքերի դաշնություն» կոչվող կազմակերպությունը, որն էլ հանդիսանում է «Գորշ գայլերի» ճյուղերից մեկը, որոշել է դիմել դատարան` ընդդեմ այս որոշման:

Ռուհի Սուն կդառնար 100 տարեկան: Թուրքիայում մեծ ժողովրդականություն վայելող հայազգի երաժիշտը, սազի անկրկնելի վարպետը ծնվել էր Վանում, 1912 թվականին, հայկական ընտանիքում:


( ՇԱՐՈՒՆԱԿՈՒԹՅՈՒՆ )

Երևանի պետական համալսարանի արևելագիտության ֆակուլտետի թյուրքագիտության ամբիոնը լույս է ընծայել նույն ամբիոնի դասախոս Լիլիթ Մովսիսյանի հեղինակած «Ադրբեջաներենի դասագիրքը» (խմբագիր` Ռուբեն Մելքոնյան):

Նշենք, որ սա ադրբեջաներեն լեզվի առաջին դասագիրքն է Հայաստանում: Ինչպես հայտնի է, ադրբեջաներեն լեզվի, գրականության, պատմության ուսումնասիրությունը համարվում է թյուրքագիտության բաղկացուցիչ ուղղություններից մեկը և ԵՊՀ թյուրքագիտության ամբիոնը լուրջ քայլեր է կատարում Հայաստանում այդ խնդիրների գիտական քննության ուղղությամբ:
«Ադրբեջաներենի դասագիրքը» թյուրքագիտության ամբիոնի այդ ուղղությամբ իրականացված աշխատանքների առաջին արդյունքներից է: Մենք հետևողականորեն շարունակում ենք աշխատանքները և շուտով կլինեն այլ արդյունքներ ևս:

Երևանում հայերեն և անգլերեն լեզուներով հրատարակվել է ՀՀ ԳԱԱ արևելագիտության ինստիտուտի Թուրքիայի բաժնի գիտաշխատող Լևոն Հովսեփյանի «Թուրքիայի վախերը. Սևրի սինդրոմ: Սևրի սինդրոմի դրսևորումները Թուրքիայի հասարակական-քաղաքական քննարկումներում» (“The Fears of Turkey: The Sèvres Syndrome. Manifestations of the “Sèvres Syndrome” in Turkey’s Socio-Political Discourse”) վերնագրով գիրքը:
Գրքում փաստական նյութի հիման վրա փորձ է արված ներկայացնել Սևրի սինդրոմի դրսևորումները Թուրքիայի հասարակական-քաղաքական, զինվորական ու գիտական ժամանակակից քննարկումներում: Այդ համատեքստում շոշափվում են նաև Թուրքիայի հասարակական, քաղաքական միջավայրում առկա հոգեբանական կարծրատիպերին, ֆոբիաներին առնչվող հարցեր և որոշ տեսական մոտեցումներ:
Աղբյուր` Akunq.net

Թուրքական պատմագիտական ընկերության Հայկական հարցի բաժնի ղեկավար Քեմալ Չիչեքը հայտարարել է, որ «Թուրքիան «հայկական պնդումների» դեմ պաշտոնական թեզ չունի»:
Չիչեքն այս հայտարարությունն արել է գերմանական Քյոլն քաղաքում Կրոնական հարցերի թուրքական իսլամական միության (DITIB) կողմից անցկացված կոնֆերանսի ժամանակ:

( շարունակություն )

Թուրքագիտական բլոգն օրերս հայտարարել էր, որ այսուհետ մեզ մոտ տեղ են գտնելու նաև մեր ընթերցողների գրառումները, որոնք կհապատախանեն բլոգի ձևաչափիչն: Ներկայացնում ենք նման նյութերից մեկը.

Ընտանիքը. Նազըմ Հիքմեթը (Նազըմ Հիքմեթ Ռայ) ծնվել է արիստոկրատի ընտանիքում 1902թ. հունվարի 20-ին, մահացել` 1963թ.: Հայրը աշխատել է Օսմանյան կայսրության արտաքին գործերի նախարարությունում:
( շարունակություն )

Սասունի հայերը դատարան են դիմել` հետ պահանջելով իրենց հողերը, որոնք ապօրինաբար անցել են այլ անձանց
:
Ներկայիս Թուրքիայի արևելքում գտնվող Բաթման նահանգում հողեր ունեցած հայերից դրանք ապօրինաբար անցել են այլ տերերի:
Հայերը պայքարում են հետ վերադարձնելու շուրջ 3000 ակր հողատարածքները, որոնք գտնվում են Աջար, Հեյբեթլի, Չաղիլ և Բալբաշի գյուղերում:


( շարունակություն )

Թուրքիայի իշխող «Արդարություն և զարգացում» կուսակցության հիմնադիրներից Իսմեթ Ուչման ներողություն է խնդրել հայերից: Այս մասին տեղեկացնում է CNNTurk-ը:

Թուրքիայի խոհրդարանի անդամ հանդիսացող Ուչման Հայոց ցեղասպանությունն անվանել է «ողբերգական վերջին բռնագաղթ»:


( ՇԱՐՈՒՆԱԿՈՒԹՅՈՒՆ )

Կոլումբիայի Սենատը որպես ցեղասպանություն է ընդունել այսպես կոչված «Խոջալուի իրադարձությունները»:


( շարունակություն )

Այսօր Ստամբուլի կենտրոնում միանգամից երկու իրարամերժ միջոցառումներ են տեղի ունենալու:
Երեկոյան Թաքսիմ հրապարակում հավաքվելու են թուրք մտավորականներն ու հայ համայնքի ներկայացուցիչները, ովքեր հարգանքի տուրք են մատուցելու Հայոց ցեղասպանության զոհերի հիշատակին:


( շարունակություն )

«Աղավնիի հայրը 1915 թվականին սպանվել է: Սպանվել է Սեբաստիայի հայաթափումից մեկ ամիս առաջ:
Աղավնին հիշում էր, թե ինչպես կախաղան բարձրացվեցին 60 սեբաստիացի հայ տղամարդիկ: Հաջորդ օրը կախաղան բարձրացվեցին 30 հայ տղամարդիկ, մյուս օրը` ևս 25 հոգի»:
( շարունակություն )

Այսօր համայն հայությունն ու ողջ գիտակից աշխարհը հարգում են Հայոց ցեղասպանության անմեղ զոհերի հիշատակը:

97 տարի առաջ Ստամբուլում սկսվեց և ամբողջ Օսմանյան կայսրությունով տարածվեց հայերի զանգվածային կոտորածները, որոնք շարունակվեցին ընդհուպ մինչ 1923 թվականը` հետագայում կրկնվելու միտումով (Դերսիմի կոտորածը, 1955 թվականի Ստամբուլի ջարդերը, Հրանտ Դինքի, Սևակ Բալըչքըի սպանություններ):


( շարունակություն )

Համացանցում հայտնվել է մի տեսահոլովակ, որը նվիրված է Հայոց ցեղասպանության զոհերի հիշատակին:

«Առավոտուն դեմին» երգը կատարում են 42 երաժիշտներ: Կատարումը կազմակերպել է թուրք հայտնի երաժիշտ Այշե Թյությունջուն:

Նշված է, որ երգը նվիրվում է Հայոց ցեղասպանության զոհերին:

«Ակօսի» խմբագրապետ Հրանտ Դինքի սպանության մասնակիցներից Էրհան Թունջելը հայտարարել է, թե իր մորաքույրը հայ է:


( շարունակություն )

Ապրիլի 13-ին ՀՀ դեսպան Ռուբեն Կարապետյանն այցելեց Սալերնո նահանգի Սկաֆատի /Scafati/ քաղաքը, ուր հանդիպում ունեցավ քաղաքապետ Անջելո Պասկալինոյի հետ /Angelo Pasqualino Aliberti/, ինչպես նաև մասնակցեց քաղաքի պատմական շինություններից մեկում` Ռեալ Պոլվերիկո Բորբոնիկոյում, Հայոց ցեղասպանության 97-ամյակին նվիրված «Հայ արտիստները Սկաֆատիում» /Artisti Armeni a Scafati/ ցուցահանդեսի պաշտոնական բացման արարողությանը:

( շարունակություն )

Թուրքական մամուլում մեծ արձագանք է գտել ծաղրանկարը, որում Թուրքիան ներկայացվում է որպես Հայոց ցեղասպանությունն իրագործած երկիր և հեռու ԵՄ անդամակցությունից:
Ծաղրանկարում երևում է, թե ինչպես մարդու կերպարանքով երկրները բարձրանում են մի բլուր, որի գագաթին Եվրամիության դրոշն է:

( շարունակություն )

Թուրքիայի հիմնադրամների գլխավոր վարչությունը Սուրբ Խաչ դպրեվանքին հիմնադրամի կարգավիճակ է տվել: Այս մասին տեղեկացնում է ստամբուլյան «ՀայԹերթը»:

Սուրբ Խաչ դպրեվանքն 80-ական թվականներից պայքարում է, որպեսզի վարժարանին տրվի հիմնադրամի կարգավիճակ:


( շարունակություն )

Թուրքագիտական բլոգն այսուհետ բոլոր ցանկացողներին հնարավորություն է տալիս իրենց նյութերը տեղադրել բլոգում:

Երիտասարդ թուրքագե՞տ եք, արդեն կայացած մասնագե՞տ կամ էլ հետաքրքրվում եք Թուրքիայո՞վ, ունե՞ք հեղինակային նյութեր կամ թարգմանած հոդվածներ, ապա դրանք կարող եք ուղարկել JuvePac@gmail.com հասցեին, և բլոգի ձևաչափին համապատախանելու դեպքում դրանք կարող եք գտնել այստեղ, իհարկե, հեղինակին արված հղումով:
Ի դեպ, հնարավոր են նաև տեսանյութեր և լուսանկարների շարքեր:

Թուրքագիտական բլոգում տեղ են գտնում լրատվական, գիտական, գիտահանրամատչելի հոդվածներ, որոնք այս կամ այն կերպ առնչվում են Թուրքիային: 

Շտապեք, սիրով սպասում ենք ձեր հոդվածներին:

Հարգանքներով` Թուրքագիտական բլոգի հիմնադիր Գևորգ Պետրոսյան (Facebook-ում իմ էջը` այստեղ):

Իսլանդիայի կառավարությունը պատրաստվում է քննարկել Հայոց ցեղասպանության ճանաչման հարցը:
Իսլանդիայի խորհրդարանի «Շարժում», «Համաձայնություն» և «Պայծառ ապագա» կուսակցությունների ղեկավարները երկրի կառավարությանն են ուղարկել Հայոց ցեղասպանության ճանաչման վերաբերյալ առաջարկ: Այժմ կառավարությունը պետք է քննարկի իսլանդացի խորհրդականների այս առաջարկն ու որոշում կայացնել:

Այս մասին տեղեկացնում է Nouvelles d’Armenie-ն:

Նախաձեռնության հեղինակն է Մարգարետ Տրիգվատոտին, ով ներկայացնում է «Շարժում» կուսակցությունը:

Եթե այս առաջարկն ընդունվի, ապա Իսլանդիան նույնպես կմտնի այն երկրների շարքը (20-ից ավել), որոնք պաշտոնապես ճանաչել են Հայոց ցեղասպանության փաստը:

«Թուրքիան պետք է ներողություն խնդրի հայերից, ինչպես նաև նրանց փոխհատուցում վճարի պատճառված նյութական վնասների համար` ներքին իրավական ուղիներ ստեղծելով»,-նման տողով է սկսում թուրքական ձախակողմյան «Ռադիքալ» պարբերականի հոդվածագիր Օրհան Քեմալ Ջենգիզն իր «Իրավունքը, փոխհատուցումն ու լուծումը» վերտառությամբ հոդվածը:

( շարունակություն )

Ինչպես ասում են, լավ բանը քիչ չի լինում: Եվս մեկ անգամ հիշենք, վերհիշենք, որ լույս է տեսել թուրքագետ, բանասիրական գիտ. թեկնածու Լուսինե Սահակյանի «ՀԱՄՇԵՆԻ ՄԱՆՐԱՏԵՂԱՆՈՒՆՆԵՐԸ» գիրքը՝ երեք լեզվով՝ հայերեն, թուրքերեն, ռուսերեն (200 էջ)։

( շարունակություն )

Թուրքիայի Կրոնական հիմնադրամների գլխավոր վարչությունը որոշում է կայացրել կրոնական փոքրամասնություններին հետ վերադարձնել 6 գերեզմանատուն:
Այս մասին տեղեկացնում է Ստամբուլում հրատարակվող «Ակօս» պարբերականը: Կրոնական հիմնադրամների գլխավոր վարչությունը վերադարձրել է հինգ կրոնական համայնքների պատկանող գերեզմանոցները, ինչպես նաև այլ գույք:

Այսպես, հետ են վերադարձվել Ստամբուլի կենտրոնական Բեյօղլու թաղամասում գտնվող հույն ուղղափառ եկեղեցին և դպրոցը, Բալաթի Սբ Հրեշտակապետ հայկական եկեղեցու դպրոցն ու գերեզմանատունը, հրեական երկու սինագոգեր:

Թուրքիայի կառավարության կողմից 2011 թվականի օգոստոսի 11-ին ընդունված կարգավորման համաձայն` թուրքական պետությունը պարտավորում էր հետ վերադարձնել 1936 թվականին կրոնական փոքրամասնություններից խլված գույքը, ինչպես նաև որոշ դեպքերում փոխհատուցում վճարել դրանց դիմաց:

Դիարբեքիրում գտնվող հայկական բողոքական եկեղեցին գործում է որպես կանանց արտադրական միավորում:
Թուրքական «Դողան» գործակալության փոխանցմամբ` Դիարբեքիրում գտնվող 142-ամյա եկեղեցին դադարել է գործել, երբ քաղաքը մոտ 60 տարի առաջ լքել են վերջին բողոքական հայերը:

Թուրքիայի կրոնական հիմնադրամների վարչության կողմից վերանորոգվելուց հետո թուրքական իշխանությունները որոշել են այն որպես արտադրական և կրթական կենտրոն օգտագործել:

Մասնավորապես, այստեղ երիտասարդ աղջիկներին սովորեցնում են հայերի և ասորիների մենաշնորհը համարվող արծաթե ֆիլիգրաների պատրաստումն ու մետաքսագործությունը: Տարեկան շուրջ 300 աղջիկ է այցելում այս կենտրոն և արհեստներ սովորում:

Թուրքական գործակալությունը նշում է, որ «այստեղ ավանդական եկեղեցական զանգերի փոխարեն այժմ լրիվ այլ ձայներ են լսվում»:

Խորթ հոր և եղբոր հետ Ստամբուլ մեկնած Հայաստանի քաղաքացի Նարինե Մկրտչյանն ինքնասպանության է դիմել` թուրք տղամարդու սեռական բնույթի շանտաժների պատճառով:

Ստամբուլում հրատարակվող «Ակօս» թերթի տեղեկություններով, 21-ամյա հայուհու եղբայրը` Ժորան, պատմել է, որ իր քույրը սիրահարված է եղել ազգությամբ թուրք Օրհանին: Վերջինս եղել է հայկական ընտանիքի հարևանը և Ժորայի ընկերը:

Օրհանը, սակայն օգտվել է առիթից, քնել Նարինեի հետ, ինչպես նաև գաղտնի նկարահանել նրան մերկ վիճակում: Ապա Նարինեի հետ փորձել է քնել նաև Օրհանի եղբայրը` Բարըշը, որը սպառնացել է հայ աղջկան` նկարահանումը եղբորը ցույց տալով: Բարըշը, սակայն, աղջկանից մերժում է ստացել, ինչից հետո էլ տեսագրությունը ցույց է տվել նրա եղբորը:

Դրանից հետո թուրք եղբայրները սպառնացել են Նարինեի մասնակցությամբ տեսանյութը տեղադրել նաև համացանցում, եթե նա գումար չվճարի: Հայուհին փորձել է գումար գտնել, սակայն ապարդյուն: Այս ամենից հետո նա որոշել է ինքնասպանություն գործել` թույն ընդունելով:

Եվ քանի որ Նարինեի եղբայրն ու խորթ հայրը Թուրքիայում աշխատում էին ապօրինի, նրանք որոշել նե խուսափել ոստիկանություն դիմելուց: Սակայն Նարինեի մայրը, իմանալով այս լուրը, մեկնել է Ստամբուլ և դիմել ոստիկանություն: Գործը դեռ ընթացքի մեջ է:

«Ակօս»-ը հավելում է, որ սա ցույց է տալիս ներգաղթյալների անպաշտպան վիճակը Թուրքիայում, ինչպես նաև կնոջ դեմ բռնությունների ահռելի չափերը: